أفضل النكت المغـربية التي قرأتها - متجدد

زخرف مواضيعك بهذه الفواصل الحلوة المميزة مجموعة خطوط عربية مبهرة [ضروري الدخول]



واحـد مشى يصوت على الدستور اختار لا، وهو راجع واحد صاحبو سولو :أش درتي ؟قاليه :صوت بـ لا

قاليه :ناري كحلتيها غادي يعرفوك، قالو: وأشنو الحل ؟ قاليه : رجع بسرعة وصلح الخطأ واكتب نعم

رجع عند رئيس اللجنة وقاليه : الله يستر عليك راه كنت بغيت ندير نعم وغلطت ودرت لا

شدو رئيس اللجنة من وادنيه وقاليه: سير في حالك راه صلحنا لك الخطأ عمرك ما باقي تعاود تاني

----------------------------------------------------------------------------

الزوجة (في البورطابل) :فينك أنت دابة ؟! الزوج : انا مشغول شوية آحياتي
الزوجة : في إنا مصـــيبة مشغول آ النبكٌ ؟!
الزوج : عاقلة على مول الذهب اللي شفتي عندو ديك الكولي ديال البلاتين وعجبك بـزاف وقلت لي نموت ونشريه
الزوجة : آه عقلت مزيـــــــان آ الحبيب ديالي وعلاه هديك الحاجة كتنسى ياعمري ونور عينيا
الزوج : عاقلة فاش قلت لك غادي نشريه لك لكن غير صبري عليا آالكبيدة دابة الفلوس ما كافياش
الزوجة : أيـــــه يا حياتي .. عـــاقلة الزوج : انا كٌالس دابة مع صحابي في القهوة اللي قبالتو

----------------------------------------------------------------------------

واحد المكلخ كان غادي ولقى 4000 ريال وهو يبدا كيفكر
غادي نعطي 1000 للوالد كايتسالها ليا و1000 للوالدة كاتسالها ليا
و 2000 اللي كايسالني مول الحانوت وهو يقول اش غادي يبقى ليا !!!
والله لا هزيتها

----------------------------------------------------------------------------

بوليسي بغا يوقف واحد الموطور حرق الضو، ... مول الموطور هرب ... البوليسي هز عينو
بانلو البوليسي صاحبو فالرومبوان اللّي قدامو هو يشيرلو ونعتلو فمول الموطور..

مول الموطور بانلوليه البوليسي قاصدو هو يوقف وقالو : قالك الشاف اللّي فالرومبان القدامي إيلا بغيتي نتسخرلك، راني ماشي نجيبلو سندويش ديال الكفتة

البوليسي مسكين جبد 20 درهم ومدهالو.. وقالو جيبلي حتى أنا ولكن ما دّيرش الحــــــــــار

----------------------------------------------------------------------------

هادو أربعة ديال المكلخين عندهم حفرة فالحومة، ناضوا تجمعـو باش يلقاو شي حل
قال ليهم واحد: نديروا شي فرملي ف الحفرة، باش اللي طاح فيها يداويه ف البلاصة
قال ليهم واحد اخر: لا نجيبو لابيلانص حدا الحفرة، باش اللي طاح نديوه فيساع للسبيطار
هدر واحد اخر: نريبوا داك السبيطار، ونبنيو واحد اخر
ناض واحد قال لهم: وا لا خاصنا نسدو هاديك الحفرة...
ونحفروا وحدة أخرى قدام السبيطار

----------------------------------------------------------------------------

قاليك هادا واحد المليونير مشا يحسن غير كمل عطا للحلاق 10 دراهم

قاليه الحلاق ولدك كايعطيني 50 درهم أنتا الماليونير كاطعطيني غير 10 دراهم

قاليه ولدي باه مليونير اما انا با كان غير طلاب

----------------------------------------------------------------------------

واحد الطالب ثايق في راسو أنه غادي ينجح في الإمتحان

مشى عند الأستاد قال له وأي سؤال حطيت أنا غادي نجاوب عليه

الأستاد فكر يحط ليه شي سؤال صعيب.

وفي نهار الإمتحان حط لهم الأستاد صورة ديال أرجل طائر وقال لهم عطيوني إسم الطائر ألي في الصورة

الطالب ألي ثايق في راسو ما عرف يجاوب وطلع له الدم مشى حط الورقة خاوية

الأستاد لاحظ أنه ما جاوبش وما كتب إسمه في ورقة الإمتحا وهو يقول ألي : وتا شنو سميتك

الطالب هز السروال دياله وقال للأستاد : هانت غادي تعرف سمي غير من رجلي هههههه

----------------------------------------------------------------------------

كاليك هدا واحد المكلخ بغا يقتل حوتة وهو يخشي لها راسها في الماء ههههه

----------------------------------------------------------------------------

واحد الراجل حفر حفرة وحط فيها ولدو، شافوا واحد قالو اشنو كا دير
قالو: كندفن ولدي مالقيت ما نوكلو، قالو الراجل: وكلو العدس. اللوبيا الحمص...
نطق الولد: تا كمل ا الواليد ما ديش عليه

----------------------------------------------------------------------------

محشش تزوج ثلاث العيالات، محامية ومعلمة وتلميدة !! وقالوا له : اختار وحدة ألي تبقى مزوج بها

فاختار التلميدة !! سولوه علاش اختارتها، قال لهم : المحاميه فين ما نبغي نبوسها تقولي: رفعت الجلسة

والمعلمة فين ما نبغي نبوسها تقولي: دق الجرس، أما التلميده فين ما تنبوسها تا تقولي: ما فهمتش عاود ليا من جديد

----------------------------------------------------------------------------
مغربي خلا ولادو عند عائلة امريكية باش يتعلمو الانجليزية وخلاهم سنة
وبعدما رجع ياخذهم !! دق الباب وسأل: ?Where are My children- ردت الأمريكية: راهم برة مع الاولاد
----------------------------------------------------------------------------

هادا واحد القرد كايدور في الغابة هو يلقا الزرافة كتشم السيليسيون قاليها لوحي داكشي راه ما يصلحش لك ويلاه معاية

مشاوغاديين هما يلقاو الارنب كيشرب ما حيا قال لو القرد لوح داكشي راه ما يصلحش لك أيلاه معانا

مشاو ولقاو الفيل كايدير النفحة وقال لو القرد لوح داكشي راه ما يصلحش لك قال لو لوح داكشي ويلاه معانا

المهم بقا هكاك هتا جمع كاع الحيوانات أداهوم عند السبع لقاوه كاي دير الكوكايين قال لو القرد لوح داكشي راه ما يصلحش لك

وزعمة أنت خاصك تكون العبرة ديالنا .. قال لو السبع : وتا سير في حالك نتا وقت ما تقرقبت وضربت الفنيد تجمع عليا الغابة كلها

----------------------------------------------------------------------------

مكلخ سكنو جن من بعد يومين ... الجن جار لمكلخ من رجليه، زيد قدامي لباباك عند لفقيه يفكنا من هاد لحريرة زيييييييييد

----------------------------------------------------------------------------

قررت شرطة المرور تكافئ كل واحد داير حزام السلامة
لقاو واحد مبوق سايق طوموبيلتو وداير الحزام، وعطاوه 2000 درهم
وسولوه: أشنو غادي تدير بهاد الفلوس؟؟
قال ليهم: نزيد عليهم ونمشي ندوز بيهم لبيرمي

----------------------------------------------------------------------------

هادا واحد قـرر ينتحر، وهو يطلع فوق باطيمة
مللي شاف التحت بانت ليه جوقة ديال الناس تحت لباطيمة
وهو نيت ينزل يشوف أشنو واقع

----------------------------------------------------------------------------

هذا واحد كان غادي ف غابة هو يخرج ليه جن قال ليه شبيك لبيك شنو بغيتي ندير ليك؟

قال ليه : بغيتك ترجعني نحلة باش نحرك للسبنيول بلا مايعيق بيا حتى واحد

شدو الجن رجعو نحلة.. السيد فرح هو يطير غادي لاسبانيا ملي قرب للحدود خرجو ليه النحل ديال اسبانيا

شدوه شكو فيه قالو ليه واش نتا بصح نحلة؟ قال ليهم والله حتى أنا نحلة.. قالو ليه يالله خرج لينا العسل ديالك نذوقوه

بقا كايتعصر كايتعصر وهي تجي عنده أمو فيقاتو : حرام عليك أ وليدي 30 عام فعمرك لاخدمة لا ردمة و زايدها ليا بالبول في الفراش

----------------------------------------------------------------------------

واحد البنت زوينة بوكوصة دايزة قدام جوج سكرانين عجباتهم ناضو بقاو كايشوفو فيها

تكلم معها الأول قال لها: عجبتيني أ لبوكوصة .. شنو مانتصاحبوش ؟؟

جاوباتو : نتصاحب مع الكلب أوما نتصاحبش معاك أ الشمكار !!

شافت في صاحبو قالت له: مالك كاتخنز فيا ؟؟

قال لها : هاو هاو هاو

----------------------------------------------------------------------------

هادا واحد الراجل دا ولدو للسوق باش يعلم ليه الألوان
ورا ليه ماطيشة وقال ليه: شوف أولدي، هادي ماطيشة وراها حمرة
واخا كتبان ليك صفرة، راه غير باقا خضرة

----------------------------------------------------------------------------

هذا واحد بو لحية جاه جوع دخل لمطعم قالهم لي بغا شي حاجة يدومندي على حسابي حتا هو دماند فاش سالا مشا لمرحاض حسن لحية
أخرج قالهم: الله يخلف على بو لحي

----------------------------------------------------------------------------

محشش كرا دار مسكونه وهو قاعد كيتحشش خرج ليه الجن وقال مع راسو اجي نخلعـو شوية

المهم الجن طلع قعد حداه وقال له ممكن سيجارة، قاله الرجل: هاك خود العفو.. الجن طلع ليه الدم حيت الرجل ما خافش

مشا الجن فتح كرشو وحيد عينو ورجع قال له: ممكن سيجارة ؟؟ قال له الرجل: هاك خود العفو.. الجن صافي ما بقاش حامل راسو

مشا حيد العمود الفقرى وقطع ايدو وكسر رجلو ورجع، قال له: ممكن سيجارة ؟؟

قال له الرجل: أنت ما لاحظتيش أنه ما عندك صحة ديال الجوانات وقاعد تا تدمر في صحتك أصاحبي

----------------------------------------------------------------------------

هادا جوج كانوا غادين ف الطريق، واحد قال لصاحبو: شوف شوف، طير ميت
ناض لاخر هز راسو للسما وقال ليه: فين؟ فين؟

----------------------------------------------------------------------------

واحد الحديقة ديال الحيوانات بداو تايموتو لهم الحيوانات وما عندهمش باش يشريوهم.

جابو واحد السيد و قالو ليه غادي نلبسوك بحال السبع و نديروك فالقفص و نعطيوك 100 درهم للنهار

قال ليهم واخا...أرا لينا واحد النهار حلو ليه القفص ديالو باش يخرج يدور وهو يتحل تا ديال النمر

اوا بدا صاحبنا عتقوا الرووووح أعباد الله وا النمر غادي ياكلني. وهوا ينطق النمر: سكت أصاحبي غادي تشوهنا.

----------------------------------------------------------------------------

هادوا 3 ديال الصحاب تفارضو في دجاجة محمرة وشراوها
منين جاو ياكلوها مالقاوش الخبز، ناضو صيفطو واحد منهم يجيب ليهم الخبز
تسناوه ساعة ما جاش تسناوه ساعتين ما جاش 3 سوايع ما جاش
طلع ليهم الدم، وقالوا صافي عيق، ملي يجي ياكل هو الخبز
وهو نيت يخرج ليهوم من مورا الباب، وقال ليهم: شفتوا جاب الله مامشيتش

----------------------------------------------------------------------------

قاليك هادي واحد المرا ركبت الطاكسي وسولها قاليها فين غادا ألالا، قاتلو يشويني فيك ماقولتهاش الراجلي نقولها لك أنت

----------------------------------------------------------------------------

هادا واحد الولد جالس ف بلاكة الطوبيس كيكمي وحداه مرا مثقفة شبعانة قراية

المرا عيات مسكينة من الدخان وقالت له: شوف أولدي، واش في راسك أنت بأنه اللي كتكمي كتدي 20 في المئة من النيكوتين

وأنا اللي كنشم الدخان كا ندي 80 في المئة؟ الولد بقى كيشوف فيها، شوية وهو يمد ليها السيجارة

وقال لها: الحاجة، خودي أنتي 20 في المئة وأعطيني أنا 80 في المئة

----------------------------------------------------------------------------

أستاد د الفرنسية سول واحد التلميد ديالو: كيفاش كنقولو الصراحة راحة بالفرنسية؟
قال ليه التلميد : La vérité rité

----------------------------------------------------------------------------

هادا واحد مكلخ مشى يخطب
جات البنت حطات ليه كاس ديال أتاي ليبتون Lipton
قال ليها: من دابا بدينا ف الحجابات؟

----------------------------------------------------------------------------

كالك هاذي وحدة كتحساب راسها مطورة. مشات تقزبات زعما شبه عريانة ؤمشات عند الشلح مول لحانوت

ؤقالت ليه عطيني مسكة فلاش، ؤعطاه لها ؤبدا كايشوف فيها، ؤقالت ليه مالك كتشوف فيا زعما باش ايقوليها عجبتيني حيت هي مقزبة

قال لها كنشوف منين غادي طلعي ديك 6 دريال

----------------------------------------------------------------------------

في ميدان التحرير عمل الجيش حظر تجوال إبتداءا من الساعة 11 ليلا

وأعطيت الأوامر بقتل أي من تجاوز هدا الوقت هههههه باغين يصفيوها للشعب

المهم واحد عـسكري قتل مدني على الساعة 10 ليلا فقالو له ليه قتلته على الساعة 10 ما إحنا قلنا لكم 11 ليلا

فقام قال لهم : أنا أعرف بيته والله ما حيوصل إلا على الساعة 12 بليل

----------------------------------------------------------------------------

واحد السيد بلـومبي راكب في طوبيس وكان عامر بالناس و كل ما وقف طوبيس في شي محطة تينوض وتيقول للناس

وا عباد الله راني قريب نوصل وجدو راسكم، الناس كيشوفو فيه تيقولو هاد السيد ربما احمق، حتى وصل لواحد المحطة اوناض

قال لهم صافي أعباد الله راني بغيت انزل ملي بغا ينزل جر معاه واحد جعـبة طويلة كانو الناس شادين فيها كيسحابوها ديال طوبيس

----------------------------------------------------------------------------

مسموم دخل واحد السناك وطلب سندوش كفتة، وبعدما أنتهي من آكله سأل السرباي: بشحال هاد السندويش،

اجابه: 11 درهم..مد المسموم يده في جيبه وأخرج 11 درهم ورماها على الارض.. وتكرر المشهد 3 أيام متتالية.

وفي اليوم الرابع دخل للسناك وما معاهش صرف فاعطى السرباي 20 درهم ورقة وقال له: سندويش كفتة كيف العادة

طبعا السرباي باغي ينتقم منه فجاب الصرف دراهم ورماهم على الأرض وقال له: خذ صرفك،

فأخرج المسموم درهمان من جيبه ورماها فوق 9 دراهم وقال للسرباي : زيد واحد اخر