صفحات كتاب الذكريات
بنعيش ايامنا بكل لحظة
بتمر بينا الايام
على باب خطوينا ننادى على الذكريات
بنصادف ناس نعيش معاهم اوقتنا
بمرها وحلوها بتعدى علينا
بضحكة قلب هنا صادفينا الصديق
عاش معانا اوقاتنا .. شاركنا همنا وحزننا
تقاسمنا هم الايام وفرحتها
صفحات كتاب الذكريات
دموع تتساقط على اوراق ايامنا
تداوى الجرح وتعبر عن الفرح
ايام بتعدى علينا
نزرع ورد بكل شكل ولون
نضحك ونلهو وننسى غدر الغد
وفى يوم نستيقظ على دقات الحبيب
نفتح القلب .. نستسلم للحب
نجمع لعيونة الورد
نكتب فى جمالة الشعر
نسهر له ليالى نغازل نور القمر فى عيونة
نعشق من اجلة يومنا ونسامح امبارح ونستنى بكرة
نعيش معاه الايد فى الايد
نتعاهد ونتواعد
يجمعنا الحب ولا غير الحب
ونرسم احلامنا بريشة الامل
ونشتاق ونتلهف لهمسهم
صفحات كتاب الذكريات
نحزن لحزنهم
يسعدنا فرحهم
يبكينا دمعهم
يدق لهم قلبنا بكل كيانة بدون توقف
وفى لحظة قاسية منسية من الذكريات
نستيقظ على فجر باهت ألوان شروقة
ماتت فية ازهارة
حزينة هى طيورة
الندى دموع أهات على جبين النهار
تعلن شمس الشروق عن غروبها قبل الاوان
ويتبدل الحال
ويبعدوا الاحباب
وتنطفأ الشموع
وتموت على الخد الدموع
وننادى عليهم بصوت موجوع
صفحات كتاب الذكريات
لا يردوا علينا جواب
ونرجع تانى مع الذكريات
ونقلب صفحاتها فى دولاب العمر
ونتمنى ان تدوم اوراقها مبللة بدموعنا
حتى نعيش اللحظة مليون لحظة
ولكن فى النهاية تموت الامانى
موضوع: كتاب الذكريات 
الخميس 07 يونيو 2012, 10:23 pm
] !!
