[b]
{إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ}
الذكر..هوه القرآن..معجزه باقيه لكل زمان..
دستور أُمه..عهد وذمه..منهج خاتم للأديان..
أمر الله..روح الله..كلام الله..
أقرا آياتهُ وقول الله..
دين وعقيده..ودنيا جديده..وآخره سعيده.
للى يقدم صوم وصلاه..
وبيعمل بكتاب الله..
ويصفى ضميره ويرعاه..
ويطلع من ماله زكاه..
خير وهدايه للى قراه..
وبيقدر يفهم معناه..
وبيعمل بكلام الله..
فصّل كل الغيم والغيب..
واتكلم عن كل عجيب..
شرح الكون والسما والأرض..
خاطب كل عقول بالود..
قال للمسلم حقك تاخده.. ولا تغدر ولا تظلم حد..
قال ع الحبه فى بطن الارض..والمولود من نطفه لمهد..
والألوهيه والتوحيد..أتكلم عن كل بعيد..
يوم ورا يوم بتبان أسراره..
وبيظهر من سحروا جديد.
واللى ماكتش عقول فهماه..
الايام دى بان معناه..
العلم أتقدم وجلاه..
أقرا آياتهُ وقول الله..
بين للمسلم واجباته.
وازاى يتمتع بحياته..
شرعّ له وحدد علاقاته..
بصلة رحمو أو أغراب..
ذميين أو أهل كتاب..
الذكر..هوه القرآن..
محفوظ دا كلام الرحمن..
ف عقول وصدور وقلوب أمه..
أسمها أمة القرآن
[/b]
موضوع: آمه آلقرآن.... 
الثلاثاء 17 يوليو 2012, 4:36 pm
