Sea Food Soup || شوربة الأكلآت البحريه 3> 3>
و أكيد بتكون غنية جداً بالفيتآمينآت ودسومتهآ متوسطه يعني مآ تكفي وجبة فطور فقط إلآ اللي يسوون دآيت هذآ شي ثآني ،،
أوكيك ..
يلآ نبدأ بالمقآدير :-
كيس وآحد من ثمآر البحر ،،
بصله وحده بدون فرم فقط شيلي قشرهآ وغسليهآ،،
بطآطس وحده مقطعه شرآئح بدون قشرهآ طبعاً ،،
جزره وحده مبشوره ،،
٥ حبآت مشروم قطعتهآ
من النص أولآ ثم بالعرض ع شرآئح متوسطه الحجم[ ع حسب اللي عندي أحجآمهن
كبآر إذآ اللي عندج صغآر استعملي ١٠ حبآت ] ،،
وحده من الفلفل الرومي الأخضر مقطعه إلى مكعبآت صغيره ،،
٢ لتر حليب طآزج [ علبه كآمله من الحجم الكبير ] ،،
كوب وثلث طحين متعدد الاستعمآلآت ،،
علبة قشطه ،،
نص ملعقة شآي زعفرآن ،،
ملعقة طعآم مآء ورد ،،
«« شفتوا كيف المقآدير بسيطه جداً وسهله وتتوفر ف كل بيت ،،
طيب !!
أمآ عن الطريقه :-
نضع ثمار البحر في قدر ونملأه بالمآء لحد مآ انغطي ثمآر البحر ونخليه ع النآر لمده ٢٠ دقيقه [ هذه العمليه تخليه ينضج زين مآ زين تشيل منه الريحه نهآئيا ] ،،
و في قد آخر أنضيف شرآئح البطآطس السميكه البصله ونمزره مآى لين
يتغطى عدل ونخليه يفور لين مآ يصير عندنآ البطآطس لين [ خذ معي ١٠ دقآيق ] ،،
بعد مآ ينضج البطآطس نشيل البطآطس والبصل ونحطه ف الخلآط أو الفوود بروسيسر ونصب فوقه القشطه ،،
و نخلطهم عدل طبعاً بسهوله بينخلط لأنه كل شي سوفت لين ،،
و بعدين ف قدر أنضيف الحليب الطآزج [بدون إشعآل النآر حتى يذوب الطحين بسهوله ولآ يتكون كتل معآج] ،،
و انضيف معه الطحين ونخلطه بالمشبكـ لحد مآ يتجآنسون عدل ،،
و ف الأخير أنضيف خليط البطآطس والبصلوالقشطه ونخلطه مع الحليب بخلآط الشوربه وأشعلي النآر [وإذآ مآ كآن عندج، ف الخلآط الكهربآئي خلطي الطحين الحليب خليط البطآطس وعقب مآ ينخلط صبيه ف القدر وأشعلي النآر] وهذآ القدر بيكون القدر الأسآسي للشوربه،،
بعد هآي المرحله أكيد
ثمآر البحر مرت عليهآ ٢٠ دقيقه ف نصفيهآ من المآء ونحتفظ بالمآء [ يمكن
تحتآجينه ف النهآيه إذآ كآنت الشوربه غليظه وتبينهآ أرفع شوي تزيدينهآ من
هذآ المآء ] لآ تستغربون من لون المآى هو جيه !!
بعد مآ نشعل النآر أنضيف ثمآر البحر ف قدر الشوربه ونحرص بخلط الشوربه طول هذه المده بالمشبكـ حتى مآ تصبح ف الشوربه كتل ،،
وبعدين انضيف المشروم والفلفل الرومي الأخضر ،،
و ع صوب أنسير نحضر كوب صغيره وأنحط فيه الزعفرآن و نخلطه مع المآء الورد ونخليه ع صوب حتى يتصبغ المآء شوي ،،
و نكمل خطوآتنآ للشوربه أنضيف الجزر المبشور وزدت
شوية مآء ثمآر البحر لأني شفت الشوربه غليظه ف بغيت أرفعهآ [ لأنه يدتي
دوم إتحط عليه يوم أتشوف الشوربه غليظه مع أنهآ مش غليظه وآيد والأهل دوم
رآضين عليهآ إلآ يدوتي الله يطول ف عمرهآ ويحفظهآ تحبهآ تكون رفيعه ]،،
و بعدين أنضيف مآء الورد مع الزعفرآن ونخلطه عدل ونخليه ع النآر ٥ دقآيق ،،
و بعدين نرفع القدر عن النآر انصب الشوربه ف البوكيه أو إذآ كنتي بتقدمينه ف الملآل ع الطول شي ثآني ،،
وانزينه بخطوط من الزيت الزيتون وف النص كزبره ،،
و وهذه هيه بوكيتي الحلوه وهيلآ هووب لبيت يدوتي طبعاً بعد مآ أخذ شآور وأتلبس ،،
و بس هذآ هي شوربة السي فود السمبل الكلآسيك اللي هو سوو يممي ،،
إن شآ الله حبيتوهآ مثل مآ حبوهآ أهلي وأدمنوهآ ،،
موضوع: شوربة الأكلآت البحريه Sea Food Soupl 
الأحد 26 أغسطس 2012, 11:36 pm
