شامبو باللافندر للشعر الدهني

الشامبو ده بيناسب أصحاب الشعر الدهني لتغذية الشعر ومنع تساقطه، لكن اللي شعرهم فيه قشرة يفضّل بلاش يستعملوه.

المقادير:
½ صابونة زيت زيتون مبشورة
5 ملعقة صغيرة عشبة اللافندر مجففة
ملعقة صغيرة زيت زيتون
1¼ كوب ماء
ليمونة خضراء

الطريقة:
1- حطّي الميه على النار وضيفي عليها عشبة اللافندر وسيبيها تغلي.

2- لما الميه تغلي مع اللافندر قطّعي الليمونة شرائح وحطّيها على خليط الميه واللافندر وسيبيهم يغلوا مع بعض لمدة 3 دقائق.

3- بعد كده صفّي الخليط ورجّعي الميه في الحلة تاني وسيبيها على النار وضيفي عليها زيت الزيتون، والصابون المبشور، وسيبيه على النار لحد ما الصابون يذوب.

4- ارفعي الخليط من على النار وسيبيه يبرد لمدة ساعتين أو ثلاثة هتلاقيه بقى عامل زي الجيلي، هاتي شوكة أو مضرب سلك خفيف واضربيه، واحفظيه في زجاجة أو برطمان زجاجي، واستخدميه زي الشامبو العادي.

منقو

شكرا لك على موضوعك المميز
بانتظار المزيد

مشكورة على مرورك يا قمر