نصيحة أب الى ابنه قبل الزواج:
حط مراتك فى عيونك
مش كل أما تشوفها تشيلها همومك
حافظ عليها وصونها عشان هى كمان تصونك
خليك طيب معاها وحنين عليها
وكل فترة كده أدخل عليها بهديه
انشالله حتى تكون وردة أو حاجة فضية
عشان تحسسها إنك ديما فاكرها ومش ناسيها
أوعى فى يوم تغلط فيها
أو عقلك يزينلك تمد ايدك عليها
دى بنت ناس وحقها عليك تحبها وتحميها
علشان العهد اللى عاهدته لأبوها
أما رحت وطلبت منه إيديها
ملكش فى الدنيا إلا مراتك
حط ثقتك فيها وعرفها كل أسرارك
هى أهلك وناسك وكل أصحابك
وهى الوحيده اللى تضحى بالدنيا علشانك
خليك كريم معاها بأخلاقك ومالك
دى مراتك بنت أصول يابنى
هتلاقيها معاك فى أحزانك قبل أفراحك
خلى الاحترام والحب أساس حياتكوا
محدش هيحافظ على البيت ده غيركوا
وافتكر إن عندك اخوات بنات
واللى هتعمله فى بنت الناس
هيتردلك مهما الزمن فات
وكل خير هتعملو معاها
مش هيروح هدر وربنا هيديك عليه حسنات
اسمع نصايح راجل كبير
شاف من الزمن كتير
محدش هيحبلك الخير أكتر من ابوك
الناس مهما
كترت حوليك مسيرهم يوم ينسوك
وقليل اوى لو لاقيتهم من الشر بيحذروك
اسمع كلامى وحطه فى دماغك يابنى
محدش هيخاف عليك أدى
وبكرة أما تجيب ولاد هتفتكرنى
وتتأكد إنى كنت بخاف عليك وحبيتك أكتر من نفسى
موضوع: وصيه أب 
الأربعاء 23 أكتوبر 2013, 9:19 pm
