التنظيف اليومي

التنظيف اليومي

1-تهويه الشقه كلها اول مانصحي من النوم
2-من بالليل طبعا هنكون مقررين نعمل ايه علي الغداء ولتوفير الوقت ممكن لو هتعملي حاجه فيها تتبيل تتبيليها من بالليل
هتعملي محشي تكوني مجهزه حاجاته عشان متحتريش الصبح
3- هترتبي السرير واي حاجه مش في مكانها ترجعيها لو الملايات محتاجه تتغير غيريها

4- لو عندك غسيل حاجات بسيطه محتاجها ضروري غير يوم الغسيل بتاع الجدول الاسبوعي ممكن تطلعيه تحطيه في الغساله عبال ماترتبي الشقه يكون الغسيل خلص
5-هنبص بقي في الشقه كلها اي حاجه مش في مكانها نرجعها لو لعب اطفال لبس مرمي عالارض جوزك كان سهران مثلا وسايب كوبايه مرميه كده ولاكده

6- هنكنس الشقه كلها بالمكنسه
7- هنمسح الاماكن الفاضيه بديتول ونقطه جينرال

8-المطبخ طبعا انتي شاطره وسايباه من بالليل نظيف ومفيهوش اي مواعين والببتوجاز مغسول
ممكن بس لو فيه حاجه بسيطه من الفطار

9-الحمام زي مااتفقنا هنعمل ايه فيه البانيو والتوليت والحوض كل ده يتصبن كل يوم ولازم تفحتي شباك الحمام يتهوي

10-واحنا بنحضر الاكل اي حاجه اتوسخت تتغسل في ساعتها دايما يبقي عندك فوطين في المطيخ وحده تنشفي فيها ايدك والتانيه تمسحي بيها اي حاجه تقع علي الرخامه او البتوجاز وانتي وقفه برضه ادي نظره علي الادراج الادرف اي حاجه بسيطه عايزه تترتب رتبيها والاكل علي النار بس اوعي تنسيه ههههه علب السكر والشاي والتوابل امسحيها اول بأول من مكان استعمالك

برضه نخلي حته لمسح المطبخ غير بتاعه الشقه عشان طبعا المطبخ بيكون مدهنن
بس ياستي بكده اقدر اقولك ان بيتك هيفضل نضيف كل يوم


[ندعوك للتسجيل في المنتدى أو التعريف بنفسك لمعاينة هذه الصورة]