نصائح مصممات الأزياء لإعادة استخدام حجابكِ "السادة

من منا لا يمتلك فى خزانته مجموعة من الإيشاربات والطرح السادة وتعتقدين أن استخدامها يقتصر على طقم أو قطع ملابس محددة ولكن ما رأيك فى  أفكار مبتكرة  لإعادة استخدامها من جديد بشكل مختلف يضفى عليك أناقة وشياكة وبتكاليف بسيطة.

بدايا تقدم لك مصممة الأزياء  رويدا سليمان بعض الأفكار التى من شأنها أن تساعدك فى تجديد استايل حجابك والإستفادة من الإيشاربات السادة  بشكل بسيط  مثل:

1- حاولي تدمجي لونين سادة متناسقين مع بعظهم وخصوصا الايشاربات القطن حتساعدك جدا  إضافة إلي إنها مريحة  فى اللبس.

2-استخدمى  الايشاربات الشيفون  فهى تتميز بألوان جذابة إضافة إلي إنها صغيرة فى الحجم وبالتالى لن تشعرى بحجم كبير أو ضخامة فى لفة الطرحة وبتلك الطريقة حصلتى  على لوك جديد ومختلف.

3- الإكسسوارت بتلعب دور مهم جدا فى شياكتك وأناقتك  ممكن تضيفة اكسسوار ك"بروش أو خيوط الكروشيه، أو فيونكة جميلة بسيطة تعكس رقة فى الإختيار ، أو أحجار ملونة  ،كلها حاجات بسيطة ولكن هتعكس احساس عندك بالفخامة والبساطة فى نفس الوقت.

4- بطريقة سهلة وبسيطة  ممكن  تضيفي تطريز بسيط بالخرز يجدد من شكل الطرح  وفى محلات الإكسسوارات  أفكار متنوعة وسهلة التركيبة ممكن من خلال المكواه أو أى دبوس.

وتقدم لك صاحبة علامة "’Milla fashion" مجموعة من الصور  كنماذج لتغيير حجابك بشكل بسيط وسهل وغير مكلفة شاهديها وأخبرينا هل ستجربين تلك الأفكار؟