Timing belt سير الكاتينه
السلام الله عليكم
سير الموت Death Belt
بسرعة كدة حعرض معلومة صغيرة ومهمة توضح للبعض. اهمية اختيار Timing belt سير الكاتينه. يظن البعض ان السير الgm الاصلي هو صناعة gm ولو قلتلكوا واثبتلكوا حالا وبالصور ان شركة جنرال موتورز لاتقوم بصناعة سيور نقل الحركة ولايوجد بها هذا الprand من اصلة وان ياجماعة لازم تعرفوا ان صناعة السيارات هي عبارة عن صناعة مجمعة كشأن اي صناعة متداخلة العناصر او كثيرة العناصر. يعني تصنع الضفيرة الكهربائية في الفلبين ومثلا الفتيس الكهربا في المانيا والموتور في كوريا والسيور في انجلتر وبلي الكاتينة نصفه في كندا ونصفة في كوريا الجنوبية الخ الخ الخ الخ الخ،،،،،،،،،،،،
المهم ما نحن الان بمعرفته هو سير الكاتينة
في ظل انعدام الضمير وانعدام الرقابة علي المصنفات والعلامات التجاريه تسلل الي السوق المصري برغبة كبار المستوردين سيور كاتينه غير ذات جودة وعلشان مواتير الجنرال موتورز مغرقة السوق في عربيات الدايو والاوبل والشفيورلية وهم قاعدة عريضة جدا من الشعب اصبح من المستهدف هو استيراد هذا النوع من السيور الgm لكن قليل جدا جداااااااااااااااااااااا من يجلبها الي البلد اصلية لان سعرها مرتفع وفي ظل ارتفاع الدولار الاخير اصبحت غالية جداااااااااااااااااااااا علي الزبون لو المستورد جابها اصليه
المهم امتلئ السوق بانواع سيور كثيرة وبدائل عديدة لكن بدون الجودة او الكواليتي الاورجنال الذي لا نجدة الا في الgm الاصلي ومن هنا ومن هروب الزبائن كلهم تجاه الgm فتم ضربه وتقليده عشرات الدرجات وكلهم gm مضرووووووووووووووووب ولا يستطيع التاجر معدوم الضمير بيع سير الgm المقلد بسعر رخيص فينكشف امره لازم يبيعة بسعر مرتفع زي الاصلي حتي يطمئن الزبون 
نيجي بقه للمهم طيب اعرفة منين انه اصلي او مضروب.
الاصلي ملمسه زي القطيفة من الخارج وعليه علامات اتجاه الدوران وجميع المقاسات الفنيه وسنونه من الداخل نسيجها ضيق جدا جداااااااااااااااااااااا. و اتجاه النسيج نفسه مائل علي زاويه مش افقيه او رأسية
واذا نظرت الي مقطعة. {سمكه} تجد السير الاورجنال 4 طبقات.
كل دة حتلاقوه انا موضحه بالصور في نهاية التقرير
المهم بردة بعد ماعرفنا ان جنرال موتورز لا تصنع سيور الكاتينه او اي سيور
طيب واحد حيسألني اماااال يا عم الحج السير الgm الاصلي ده يبقي ايه؟؟؟؟؟
الاجابة بص حضرتك كويس علي السير الgm حتلاقي علامة الشركة المصنعة له والاولي في العالم في مجال سيور نقل الحركة وهي
جيتس geats الانجليزية المنشأ بص حتلاقي علامة الgm تعانق علامة الgeats. وبعضهم عليه علامة الدايو وش كده
يبقي بقة لما نفقد الثقة في العثور علي سير gm اصلي واللي هو اصلا جيتس يبقي من باب اولي نروح للشركة اللي صنعته لدايو من البداية والليgm اعتمدته ووافقت عليه يشغل مواتيرها. الدايو الاوبل الشيفروليه والاولدزموبيل وهي جيتس
طيب يعني بقية انواع السيور اللي في السوق وحشة؟؟؟؟؟
اقولك لأ بس كلها تنافس بعضها اما جيتس خارج المنافسة تماما
زي
دايكو
ماس
كونتيننتال
بوش
كتربيلر
بي اي سي
وغيرهم وغيرهم
كوالتي محدود وسمعه غير خفاقة في عالم سيور نقل الحركة {علي قد قدهم}
ملحوظة بسيطة
السير الجيتس اللي في السوق ابو علبه ابيض *اخضر ده.مش كواليتي مرتفع بس افضلهم لانه صناعة الاتحاد الاوربي مش صناعة انجليزية
اما السير الجيتس الاورجنال والاصلي واللي كان بينزل في مواتير الدايو هو ابو علبة حمرا وبيكون طقم كامل للكاتينه سير اصلي مع البليتين الثابته والمتحركة
السير جيتس انجليزي المنشأ
البلية المتحركة كندي المنشأ
البلية الثابتة كوري المنشأ
مدة التشغييل لا تقل عن 40000 كيلو متر علشان احنا بلدنا زحمة جداااااااااااااااااااااا والعربيه بتفضل واقفه في الزحمة ودايرة وكل ده من عمر السير. طبعا لانه شغال وبيتعرض لاجهاد وسخونيه و عداد الكليومترات متوقف لتوقف السيارة
اي حاجه تانيه ملهاش علاقة بالاصلي لا من بعيد او من قريب. وكمان السير. المضروب مدة تشغيلة الآمنه 20000 كيلو متر فقط اي زيادة مخاطرة ورسك عالي
لازم نعرف ان السير مصنوع من مجموعة من اللدائن والمطاط ويدخل تحت طائلة العمر الافتراضي وتاريخ صلاحية لا يتجاوز خمس سنوات حتي وان لم يستعمل ولسه جديد في كرتونته عند التاجر لازم كلنا تاخد بالنا من موضوع تاريخ الانتاج دي مهمة جداااااااااااااااااااااا زي كاوتش العربية كده تماما وطبعا تاريخ الانتاج او الصلاحية لا تجده الا علي الانواع الاورجنال فقط
ملحوظة
مقاس السير للنوبيرا. هو 76127*25mm معلومة هاااااااااااااااامة كلكم عارفين ان انقطاع السير لاقدر الله بيعمل ايه غالبا في الموتور بس حبيت اصحح معتقد عند البعض ان السير لما بيقطع مش بيتقطع نصين {قطع موس} يعني 90% من قطعة هو عبارة عن تآكل اسنانه الداخليه او تفرط لتقدام عمرها وده طبيعي وبالتالي انهيار التقسيمة لان السير حيفلت من علي تروس الكامات او الكرنك وكدة بيبقي خلاص حصل اختلاف مدمر في التقسيمة والموتور اتكسر صباباته من جوة للاسف وانتو عارفين الباقي بقه ربنا يكفينا ويكفيكم الشر آميييييييييييييين
و10% فقط انه يقطع قطع موس نصين او يفتل ويبقي نسايل نسايل وده بيبقي عيب بلي قفش وممكن يبقي السير جديد بس حضرتك ركبته علي بلي قديم او طلمبة ميه قديمة نفس الوضع ونفس المشكلة {قطع كاتينه} علشان كدة يا جماعة بنقول وبنكرر وبنحذر حضرتك حتغير سير يبقي لازاما عليك تغير بلي ثابت ومتحرك لانهم والله والله والله تقريبا نفس العمر الافتراضي عند بداية التشغيل باستثناء طبعا ان البلي ملوش تاريخ صلاحية لكن لو اشتغلوا مع بعض يتغيروا مع بعض
اخيرا معلومة اثرائية
ليه قطع السير وخلف التقسيمة بيدمر اجزاء الموتور العليا تحديدا وفيه حالات بتسمع في النصف السفلي كمان {حسب السرعة بتاعة السيارة وقت انقطاع السير وتكرار محاولات البعض منا في اعادة تدوير السيارة وميعرفش ان السير قطع}
علشان يوجد نوعان من المحركات التى تستخدم سيور الكاتينه
1- محركات متداخله "Interference Engines"
2- محركات غير متداخله "Non-interference Engines" يكمن السبب الرئيسى للفرق بين النوعين على المسافه أو قرب الصبابات من البساتم وقت عمل المحرك وخصوصا فى مشوار فتح الصبابات ( سواء حر أو عادم ) ففى المحركات المتداخله أذا حدث أنزلاق للسير أثناء حركته ولو عقله واحده يمكن للبستم من أن يحدث صداما مع صباب فى حالة فتح وبالتالى حدوث مشاكل فنيه للمحرك وبالتالى أعوجاج الصباب أو كسر البستم فى النوع الآخر من المحركات ( غير المتداخل ) لن تحدث تلك الظاهره المذكوره سابقا مع النوع المتداخل من المحركات لكن يلاحظ أنه فى أى النوعين
لو حدث قطع للسير ( لاقدر الله ) لأى سبب من الأسباب فإن المحرك سوف يتوقف فوراً عن إنتاج القدره الميكانيكيه ولن تستطيع من إدارة المحرك فى هذه الحاله قبل. عملية اصلاح المحرك والمكلفة ومعظم الصنايعية للاسف مبيقدروش يظبطوا حالة الموتور العامة بعد التصليح فيلجأوا الي التغير ويريح دماغة وخلاص وكله علي حساب حضرتك آسف علي الاطالة وشكرا لسعة صدركم ما كان من توفيق فمن الله وماكان من سهوا او خطأ فمني وتقبلوا تحياتي
اسيبكم مع الصور حتستفيدوا ان شاءالله ورجاء قراءة التعليقات بتاعتي علي بعض الصور حتي تعم الفائدة اخوكم خالد قاسم مقطع يظهر طبقات السير المعتمد والاصلي
الطبقات واضحة في السيور المعتمدة فقط
البلية الثابتة. الاصليه كوري الصنع
افتح الصورة وكبرها ودقق في الكتابة حتلاقي ان ختم الgm يعانق وبجوار علامة الشركه المنتجة للسير جيتسالبلية المتحركة او الشداد الاصلية كندي الصنع
Gm دايو مع علامة الجيتس
Gm مع geats. دليل علي ان الجي ام لا تصنع سيور ولكنها تعتمد جيتس الرائدة في عالم السيور منفردة
انزلاق عدد كبير من السنون {حاله نادرة}يكفي سنة واحدة لتدمير الموتور
حالة قطع نصين سببها البلي او قفش الطلمبة
ده الصباب اتعوج و البستم اتشرخ
اظن واضح كده (انزلاق عدد كبير من السنون)
سير مقلد وقديم جداااااااااااااااااااااا علي الموتور
السير الجيتس الدرجة الثانيه صناعة الاتحاد الاوربي شغال وكويس بس غير الجيتس الاورجنال طبعاطقم الكاتينة سير جيتس وبليتين الثابته والمتحركة
الاورجنااالكاتلوج وسيريال نمبر وتاريخ انتاج وحاجة محترمةصورة من النت توضح انه فيه انواع مختلفة للسير الواحد من نفس الشركة {سير خدمة شاقة 80000 سير قيادة رياضية {حرق وشد} سير عادي وده اللي بينزلنا في مصر ابو 40000 كيلومتر} 
موضوع: Timing belt سير الكاتينه 
الإثنين 09 يناير 2017, 12:30 am
