ورجعت ريما لعادتها القديمة .. ليه بس كدة يا ريما ليـــه ؟؟

** الشباب بعد اما كان بيصلي وكان المسجد ممتليء بهم في صلاة الفجر وكانت القلب منشرح بهم --->رجع تاني المسجد افتقدهم بمرور الأزمة _ مع انها ممرتش ولا حاجة ربنا يسترها _ بس المعظم اعتقد انها مرت وخلصت

** بناتنا ونسائنا بعد اما بطلوا يخرجوا من بيوتهم اثناء الأزمة ولو خرجوا الصبح عن خوف ورعب يحتشموا جداا في اللبس ---> رجعوا زي ما هم اللبس المتبرج الضيق والمكياج وكأن شيئاً لم يكن !.

ليه كدة يا ريما قصدي يا بنت الإسلام ؟؟






** اصحاب العربيات والفيزبات اللي كانوا اثناء الأزمة بيشغلوا قرءان بصوت عالي يسمعه كل من في الشارع ---> رجعوا يسمعوا اغاني الشيطان بل ويعلوها ويسمعها كل من في الشارع وكأن شيئاً لم يكن !

ليه كدة يا ريما قصدي يا ناس يا طيبين ؟؟






** شبابنا اللي نسي البنات ومعاكساتهم وكانوا رجالة بمعني الكلمة يحموا ناسهم ومنطقتهم وبلدهم وكانوا جنود بمعني الكلمة يصدون ويتربصون للمفسدين والمخربين ---> رجعوا تاني للوقوف علي نواصي الشارع وفي يدهم الموبايلات بالاغاني الشيطانية ومعاكسة الرايحة والجاية وكأن شيئا لم يكن .

ليه كدة يا ريما قصدي يا ابطالنا يا عواميد وأسلحة الأمة ؟؟






** أبائنا وأمهاتنا اللي كانوا ساجدين بين يدي الله يقيمون الليل ويبكون ودموعهم تملأ سجادة الصلاة ويدعون بالنصر والتكمين وووووو ---> أين أنتم يا احبابنا ليه تكاسلتوا عن الدعاء والقيام ؟؟




** الناس اللي كانت انقطعت عن المسلسلات والأفلام وتفرغت لنشرة الأخبار المتواصلة 24 ساعة اثناء زروة الأزمة ---> انما للاسف بعدها رجعوا تاني لمتابعة قنوات الفسق والضلال عادي جدا وكأن شيئاً لم يكن ! .




** شبابنا مدمني الشات المحرم والمواقع الإباحية انقطعوا عنها رغماً عنهم اثناء انقطاع النت وبإرادتهم اثناء زورة الأزمة ---> رجعوا تاني وكأن شيئاً لم يكن ! .




** شبابنا ورجالنا مدمني ماتشات الكورة ومتابعتهم اللي انقطعوا عنها نهائي اثناء الأزمة ---> رجعوا تاني وكأن شيئاً لم يكن ! .




** الملتزمين
والملتزمات يا من عرفتوا وترجمتوا اللي حصل علي انه رسالة من ربنا وابتلاء
من ربنا للأمة وافتكرتوا كل احاديث النبي عليه الصلاة والسلام اللي بتتكلم
عن اخر الزمان وفتن اخر الزمان وخفتوا ورجعتوا لربنا اكثر واكثر اثناء
الأزمة ---> ليه تلكأتوا قليلاً تاني ؟

فمن سوف يُلبى نداء الله ؟ ..






{ أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ ..} [ الحديد: 16]






فلنجعل هذه اللحظة لحظة تغيير فى حياتنا كلها ..

اغرس هذه المعاني في قلبك وتعايشها واصرخ من داخلك









[size=29]وقل: آن الأوان يـــــــارب ..





آن يـــــــارب





آن يــــــــارب

جايلك يارب





راجعلك يارب





قبل ان تأتي لحظة الندم بتقول فيها


( ربِّ ارجعون لعلي أعمل صالحا )









فيرد عليك الله بـ ( كلا )





يااااااااا كلمة " كلا " معناها انسي ..انت بتحلم .. خلاص .. فاتك القطر.. العمر خلص .. مهما عملت ومهما قلت لا يمكن هترجع لحظة واحدة حتي تقول فيها


( لا إله إلا الله ) ..

( كلا ) !!!!!!!!!





يا تري هتستني لما تتقالك وانت علي فراش الموت ؟؟؟؟؟؟؟؟




اللحظة
اللي فيها لا تملك اي شيء حتي اعضائك لا تملك ان تحركها , لسانك دا اللي
من شوية كنت بتتكلم عادي وبتهزر به , دلوقتي عايز تحركه عشان يقول ( لا اله
الا الله) اسهل كلمة ع وجه الارض .


سبحان
الله لا يستطيع ان يتحرك وينطق بكلمة الحق لان مش هو اللي بينطق لالالا دا
عملك طول حياتك هو اللي هينطق هو اللي هينجدك في اللحظة الرهيبة دي .









وختاماً

مطلوب من كل اخت حاجتين :

الاولي وهي بينها وبين نفسها
: انك تبدئي في شيء معين تتقربي به الي الله بحيث انك تفرحي جداا لو
قُبضتي عليه _ ربنا يحسن ختامنا جميعا _ وتحدديه كويس جدا وتبدئي فيه علي
الفور ولا للتأجيل .









والثانية وهي هنا بين اخواتها : تقول لنا هل استفادت حاجة من اللي حصل ؟ او هل غير فيها شيء معين ؟ ياريت تذكريه لنا لعلنا نستفيد من بعضنا .

وطلب اخيــــر

تدعوا لاختكم الفقيرة الي الله


بالتوفيق والإخلاص وحُسن الخاتمة

واعتذر منكن جدااااا عن طول الموضوع

[/size]

منقول لانه اعجبني كثيرا

مشكور أخي علي هذا الطرح الرائع
ولو انه من وجهه نظر واحده وعلي ما اعتقد انها وجهه سوداويه لان الي مر عليهم الاحداث دى كلها وهزت كيانهم بهذا الكم الهائل من الاحداث
لا يمكن ان يتراجعوا بهذه السرعه لان اصلا الازمه لسه ماخلصتش وكلنا محتاجين ندعي عشان تمر الازمه بسلام ومش معني كده ان مافيش من ده لا اكيد فيه برضه بس اكيد هما قله وما نحبش نعمم لان مصر عمرها ما حتكون كده مصر ولادها رجاله وحيظلوا علي طول كده
وربنا يهدى الجميع