ماتسبح على الخالق

تسبح الخالق وصبح على الخلايق
دا اللى يشوف النهار عمره ما يضايق
الشمس بعد الليل جاية مكسوفة
تنور عينيك وقلبك عشان تقوم فايق
تنسى نور الظلام وتوحد الرحمن
دا ذكر ربنا يخليك م الهموم رايق

م تسبح الخالق

ياللى نمت والهموم مالية كده جوفك
قوم انفض الهم واطرد قوام خوفك
لون صباحك بنور شمسنا الدهبية
اوعى تخليها فى توب الأسى تشوفك
دا اللى خلقها وخلقك ربنا المعبود
قادر يخلى رزق الدنيا ف كفوفك

م تسبح الخالق

وانت ياللى شايل هم الدنيا فوق راسك
والقلق والخوف حواليك حراسك
خلى تكالك على اللى خلقك بداية
واتقن صنعتك واوع تسيب فاسك
ارمى بذرتك ومعاها نية مخلصة
تطرح الأرض خير ليك ولناسك

م تسبح الخالق

وحضرتك ياللى مستنى شغلانة تسعى لك
وشهادتك على الحيطان صورتها تحلالك
قوم قوام دا العمر عمال يجرى
لا حتفضل يوم صغير ولا حيدوم لك مالك
عطر حياتك بالكفاح مهما تكون شغلتك
يروق بالك ويتصلح قوام حالك

م تسبح الخالق

» من ابداعات الخالق
» نافوره من صنع الخالق
» صو ولا أروع سبحان الخالق
» من معجزات الخالق في أسمائنا
» قلب الحوت سبحان الخالق