السلام عليكم ورحمة الله وبركاته
حيا الله الغوالي
كيفكم مع بداية الأجازة ؟
عسى أموركم كلها تمام ياااااارب
بذكر لكم بعض المواقف اللي خارجة عن إرادتنا..لكنها من صميم الواقع ، واللي بعدها توصلنا لِـ قمة التعصيب والقهر
وكل واحد فيكم يختار موقف واحد فقط ، واللي يشوف من خلاله..إنه وصله لِـ قمة القهر وممكن بعدها يُصاب بالإحباط
وأدري بتقولون لي : كلها مواقف صعبة ، وكل واحد أبيخ من الثاني !
لكن أنا أبغى أشوفكم من خلال..أضيق زاوية في حياتكم
ووصلتكم لحد القهر
والمواقف كثييييرة ، لكن أنا بذكر بعضها
بسم الله نبدأ بالشباصات العسولات 
1_ عندك مناسبة واستعديتي لها ،
وخلصتي استشوار ، وسويتي تسريحة بسيطة لشعرك ، ودخلتي دورة المياه..بتغسلين يدينك من الصنبور حق الدش
وكانت المويه
مفتوحة على الدش..لكن ما انتبهتي لها ! وحطيتي يدينك تحت الصنبور..تنتظرين الموية تصُب ، ومادريتي إلا والدش
يصب على راسك !! وحاس أم التسريحة ! 2_ أيضاً بتروحين لمناسبة (عزومة مثلاً) وانتي توك مخلصة ميك أب
، ولابسة اللبس اللي حدتيه لهالمناسبة ومجهزة من أيام لها (اللبس والشنطة والجزمة والإكسسوار) وشلتي طفلك الصغيرون..وحضنتيه على صدرك..على أساس بتغيرين له
(وكان الوقت ضيق جداً) وفجأة..
يستفرغ عليك وبقوة ! ويحوس صدرك وكتفك وينزل على باقي لبسك !! >>ياااااااااع
3_بتطلعين مشوار مع زوجك
(لمكان عام) وتأخرتي عليه..وهو
ينتظرك في السيارة ، وكان
معصصصب,,وكل شوي يدق بوري ! ويدق على جوالك !
وشلتي طفلك وشنطته..وركبتي السيارة ، وأول ماتحركت السيارة..اكتشفتي إن طفلك..
عاملها !>>هذا وقته ؟
4_ بتروحين زيارة
لناس..تضربين لهم ألف حساب ، وقلتي : مستحيييييل أروح لهم من غير ما أذوقهم طباخي وشغلي السنع ، وسويتي وجبة عشاء
متعوب عليها حييييل وتبيض الوجه وشلتي سلة القهوة والشاي والحلا..وروحتي لهم ، وكانوا
بعيدين حبتين ، ولما وصلتي وسلمتي وجا وقت العشا..اكتشفتي انك
ناسية تجيبي العشوة اللي تعبتي عليها !
5_ بتحضرين
زواج مُهم مُهم مُهم في العائلة ، ولبستي وتكشختي وكنتي على سنجة عشرة ،
والثقة بالنفس..واصلة حدها ، وراضية تمام الرضا عن شكلك العام
وحضرتي الزواج ، وتحصلين وحدة
من المقربين للعائلة..اللي
بينك وبينها..حساسيات ! ودائماً مسوية بريك معاها..لابسة
نفس تصميم فستانك..ونفس اللون كمان !! والحين دور الشنبات الأبضايات 
1_ كتبت موضوع طويل عريض ، وتعبت عليه تعــــــــــــــــــــــب (من إستشهاد وإستدلال ورفع لبعض الصور) وتوكلت على الله..
واعتمدت الموضوع ، من غير ماتتأكد من الإتصال عندك !
وفجأة
..طار الموضوع في الهوا !! ولا له أي أثر ! لأن الإتصال عندك
تعذر ! والموضوع ماسويت له
نسخ !! 2_ عندك موعد مهم جداً ، وانت حاط في بالك..بتحرك السيارة الساعة الفلانية..عشان توصل للموعد في نفس الوقت المُحدد والناس هالصباح..نايمة ! وتقفل جوالاتها ! وماحولك أحد من الشباب ! وتطلع من البيت..وتحصل كفر سيارتك مبنشر ! ولا معاك إستبنة !! 3_ أصحابك عزموك على سفرة سياحية مُعتبرة (محمول مكفول) ومشترطين على بعض..إنه ممنوع العوائل ! وزوجتك عندها خبر وجهزت حالك من مجاميعه ، وحاط في بالك..انك بتخلي زوجتك عند أهلها بغيابك (لأن أولادك صغار !فصعبة تخليها في بيتها لوحدها) ويجيك الخبر اليقين منها..وتقول لك : حبيبي انت مضطر تكنسل السفرة معاهم ! لأن أهلي راحوا عمرة ، ومالي مكان معهم (زحمة حييييل) 4_ نمت في الليل وزوجتك جالسة تتفرج على التلفزيون ، والصباح قُمت مستعجل..وروحت للدوام من غير فطور..والمدام جالسة على النت تطقطق ! وجيت من الدوام
..كاره عمرك (زحمة طريق وحرررر وجوع وحالتك حالة) وتتخيل الأوادم..صحن رز شهي ، وفوقه دجاج يمي يمي
وكاسة لبن + صحن سلطة خضراء + صحن بامية أو ملوخية
وتدخل البيت..ولا فيه
أي أثر للحياة ! وتحصل المدام..
ناااااايمة !! 5_ عندكم
مناسبة زواج ، وعطيت زوجتك المقسوم من الفلوس..عشان تدبر عمرها ، وانت وقتها..
مصفر طبلونك من الإفلاس>>الفلوس..بح والراتب باقي عليه
اسبوعين ويطلع !
ويصير فيه شوية
عُطل في شركة الكهرباء !
وأثر على معظم أجهزة المنازل الكهربائية !
ويخرب التلفزيون الأساسي مع رسيفره !
ومكيفات غرفة النوم والصالة والثلاجة !!
مع تمنياتي لكم بدوام السعادة والبشاشة وفلة الحجاب
وعدم الطنقرة والزعل والقهر ورفع الضغط
أحبكم 
موضوع: اي واحد فيهم يقهرك 
الإثنين 04 يوليو 2011, 11:18 am
