بعد البحث والتدقيق ثبت أن البنت أحسن من الولد :
1. البنت بتتكلم براحتها فى التليفون وأبوها أو جوزها هو أللى بيدفع الفاتورة فى الأخر
2. البنت مش ملزمة تجهز نفسها أبوها أو البيه (خطيبها) هم أللى هايدفعوا دم قلبهم
3. مفيش حد بيبص على بدلة العريس كله بيبص على فستان العروسة
4. لو واحدة عملت مخالفة وعيطت شوية للظابط هايعديها لو راجل هاياخد على دماغه
5. لو واحدة ماأدتش قرايبها عيدية مش هايقولوا عليها بخيلة ... هايقولوا أصل العيب على جوزها
6. لو واحدة أتأخرت على المحاضرة ممكن الدكاترة يدخلوها لو ولد هايقولوا روح يابابا كمل نومك برة فى الشمس
7. لو حصل زعل بين البنت وباباها مش هايطردها برة البيت ...وهى بس يادوب تعيط شوية وبابا هايروح يصالحها علطول .... أما الولد فايدوب يلحق مكان ينام فيه جنب البواب
8. دلع البنات:
ياختى كميلة ( سنتين)
ياعسولة ( 5 سنين )
ياعروسة ( 12 سنة)
ياقمر ( 18 سنة)
يا هانم ( 40 سنة )
يا أم العيال ( 50 سنة )
يا ست الكل ( 60 سنة )
دلع الولاد :
انت ياد ( 10 سنين )
انت ياشحط بقيت طول الباب ( 18 سنة )
يا راجل ( 40 سنة )
ياعم الحاج (50 سنة)
ياراجل يا عجوز مناخيرك أد الكوز ( 60 سنة )
شفتوا بقى ان البنات احسن من الولاد
ساظل احبك وان طال انتظاري فان لم تكن قدري فانت اختياري
انا تعبان من غيرك ...اسمعني وراضي ضميرك....سكت ليه هتعمل ايه يا مالك روحي وامري شفت حصلي عشانك ايه؟؟!!!
موضوع: البنت احسن من الولد 
الخميس 21 يوليو 2011, 9:49 pm
