Blueberry Cake
خليـط الكيك الجاهز , بيض , زيت , مويه
الطريقه طبعا مكتوبه وراء العلبه ,
نقسم خليط الكيـك إلى 3 أقسـام
تصبين كل قسم بصينيه دائريه الحالها , و تدخلينها الفرن
تعملين حشوه الكيـك , اعملي اللي تحبينـو
أنا و قتها كنت مشتهيه حلا بقوه , فسويت مايلي
( 4 أظرف صغيره دريم ويب - ظرف كريم كراميل - نص كوب حليب - روح الفانيلا -
علبه كريمه خفق صغيره - و ظروري تحطين جيلاتين مذوب بمويه حاره عشان يتماسك الخليط )
نجهز الفراوله و التوت و أي نكهة مربى حابتها
تاخذين طبقه الكيكه الأولى وتدهنينها من فوق بالمربى
و تحطينها في القالب المتحرك
تصبين فوقو نص محتوى الحشـوة , وتحطين فوقها شرائح فراوله و توت
ونحطها بالفريزر 10 دقايق
نكرر الحركه اللي فوق و ندخلها برضو الفريزر
نطلعها و نحط طبقه الكيك الأخيره و نتركها 10 دقايق بالفريزر عشان يتماسكون
يفضل نحطها بالثلاجه ليلة كامله قبل الأكل
اليوم اللي بعدو نطلعها من الثلاجه و نزينها بالتوت و الفراوله
نرش فوقها سكـر نـاعم
وهذي هي
طبعـا فيه غلطه صارت معاي
الليله اللي قبلها رشيت فوق الكيك سكر بودره,
يوم قمت لقيتو مندي و لاصق على الكيك
فإنتبهو تسونها
موضوع: Blueberry Cake 
الأحد 16 أكتوبر 2011, 9:53 pm
