أرز بالفراخ والزعفران

[ندعوك للتسجيل في المنتدى أو التعريف بنفسك لمعاينة هذه الصورة]
اغرفي الأرز في أطباق التقديم وزيّنيه بالقرفة


النهارده هنقدّم لكم طريقة سهلة وشهية جدا لعمل الأرز، وهي من المطبخ التركي، جرّبوها وابعتوا لنا رأيكم فيه..

أرز بالفراخ والزعفران
المقادير:
كوب أرز بسمتي مغسول
2 شريحة فراخ بانيه مقطّعة مكعبات
2 ملعقة كبيرة فستق محمّص ومقشّر
2 ملعقة كبيرة لوز محمّص ومقشّر
1¼ كوب شوربة فراخ ساخنة
3 ملعقة كبيرة زعفران
3 ملعقة كبيرة زبدة
ملح وفلفل
بهارات

الطريقة:
1-
شوّحي الفراخ في ملعقة زبدة لغاية ما تتحمّر من كل الجوانب، وبعد كده ضيفي
عليها ربع كوب من شوربة الفراخ، ودوّبي الزعفران في 3 ملاعق كبيرة ميه
وسيبيه على جنب.

2- انقعي الأرز في ميه سخنة لمدة ربع ساعة وبعد كده
صفّيه، وحطّيه في حلة على النار مع ملعقتين زبدة وقلّبيهم مع بعض لمدة
دقيقتين، وبعد كده ضيفي عليه كوب شوربة والزعفران المذوّب فيه الميه والملح
والفلفل والبهارات، وغطّي الحلة وسيبيهم مع بعض على نار هادية لغاية ما
الأرز يدخل في السوى.

3- بعد كده ضيفي قطع الفراخ واللوز والفستق،
وقلّبيهم كلهم مع بعض لغاية ما يتجانسوا، وسيبي الرز يكمّل سِوى على النار
لغاية ما يتشرّب ويستوي تماما.

4- اغرفي الأرز في أطباق التقديم، وزيّنيه بالقرفة وقدّميه.. وبالهنا والشفا.