طبعا كلنا بعد مانغلى اللبن وبنحطة فى التلاجة لما بنطلعوا بنلاقى على وشه قشطه يعنى وش لبن
هنشيله ونحطة فى الفليزر وكل يوم نزود علية وش اللبن لحد ما نجمع كميه كبيره
نطلع وش اللبن من الفليزر ونسيبه لما يفك ونحط عليه شويه ملح
ونقلبة علشان لو فى شوية لبن نتخلص منهم
نحطه على نار هادية جدا لحد ما تسيح
وتلاقى سمنه على الوش وفى الاسفل مورتة بنى غامق جدا
والمورته ممكن تتاكل لكن بتطخن جدا
ونصفى السمن فى برطمان وهى سخنه بصفايه الشاى
ونسيبها تبرد وهتشوفوا احلى ريحه وطعم لسمن بلدى مصنوع فى البيت
وبالهنا والشفا وياريت تدعولى وتكتبولى رايكم
موضوع: طريقه عمل السمن البلدى من البيت ريحه وطعم يجنن 
الثلاثاء 08 مارس 2011, 12:26 pm
