تعرفي علي طريقه شي السمك بالرده وسر الخلطه السريه

جايبلكم

معايا السمك المشوى يمممممم بجد شكله يفتح النفس خدى شوفى الصورة كدا عشان
تدخلى على الموضوع وانتى متشجعة
وتبدئي في عمله مع الخلطه السريه

للسمك المشوي بالرده

[ندعوك للتسجيل في المنتدى أو التعريف بنفسك لمعاينة هذه الصورة]

ندخل على الطريقة بقه

نجيب السمك حسب الرغبه وكميه الرده
ونجهز الخلطة اللى نحشى بيها السمك
وهى عبارة عن توم وفلفل اخضر وكسبرة
خضرا وجزر مبشوروليمون وخل وملح وفلفل وكمون واى توابل انتى تحبيها وبعديين
نقطع عليها طماطم قطع صغيرة ودة شكل الخلطة قبل ما اقطع عليها الطماطم.

[ندعوك للتسجيل في المنتدى أو التعريف بنفسك لمعاينة هذه الصورة]
ونجيب السمك ونغسله كويس ونتبله بالملح والكمون والكسبرة الناشفة والتوم
كويس وبعدين نحشيه بالحشوة دى ونسيبه يتشرب شوية طعم الحشوة والتتبيلة يعنى
بتاع ساعة او اتنين كدا وده شكل السمك قبل الشوي وبعد التتبيل .

[ندعوك للتسجيل في المنتدى أو التعريف بنفسك لمعاينة هذه الصورة]

بعده نحط السمك في الرده بهذا الشكل .

[ندعوك للتسجيل في المنتدى أو التعريف بنفسك لمعاينة هذه الصورة]

وبعدين بقه نجيب صاج او صينية انتى مستغنية عنها ونحطها على البوتاجاز من
فوق على نار عالية ونشوى عليها السمك ونختبر درجة حرارة الصاج الاول قبل ما
نحط عليه السمك عن طريق رش الصاج بشوية ردة لو الردة اتحرقت بقه الصاج
دلوقتى جاهز للشوي.
والان جاء وقتشواء السمك من الناحيتين و تعرفى انه استوى لما تلاقيه لا يلزق فى الصاج لكن لو
جيتى تقبيه ولقيتيها لسة لازقة يبقه سبيها شويه لغاية لما تستوى.

وطبعا تكونى قبلها مجهزة التتبيلة اللى تسقى فيها السمك بعد ما يطلع من
الشوى واللى
هى عبارة عن توم مفروم بقشره بتاع تومة كاملة كدا وكسبرة ناشفه
وملح وكمون وفلفل اخضر حراق ولمون وخل كتير ومية تحطى دول كلهم على بعض زى
كدا وتغليهم على النار غلوة واحدة بس وبكدا دى هتكون جاهزة لما السمك
يتشوى وياريت لما تستخدميها تكون دافية متكونش باردة.

[ندعوك للتسجيل في المنتدى أو التعريف بنفسك لمعاينة هذه الصورة]

ولما السمك يتشوي تروحى مطلعاه ع طول وحطاها فى التتبيلة اللى عملناها فوق دى وتسيبيه يتسقة فيها بتاع نص دقيقه كدا بالشكل ده
[ندعوك للتسجيل في المنتدى أو التعريف بنفسك لمعاينة هذه الصورة]

وبعدين تطلعيها فى طبق ودى الكمية كلها لما خلصت.

[ندعوك للتسجيل في المنتدى أو التعريف بنفسك لمعاينة هذه الصورة]

وبعدين تقدميها بالطريقة اللى انتى تحبيها انا قدمتها بالطريقة دى.
[ندعوك للتسجيل في المنتدى أو التعريف بنفسك لمعاينة هذه الصورة]

وخلاص انا كدا خلصت وبالهنا والشفا على عيونكم والى لقاء اخر ان شاء الله.

[ندعوك للتسجيل في المنتدى أو التعريف بنفسك لمعاينة هذه الصورة]
شكرا جزيلا على روعة الطرح
سلمت يدااااك
وجزاك الله خير

[ندعوك للتسجيل في المنتدى أو التعريف بنفسك لمعاينة هذه الصورة]

ممدوح السروى كتب:: [ندعوك للتسجيل في المنتدى أو التعريف بنفسك لمعاينة هذه الصورة]
شكرا جزيلا على روعة الطرح
سلمت يدااااك
وجزاك الله خير

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» الخلطه السريه للسمك المقلي
» طريقه عمل صياديه السمك مع الارز الاحمر
» طريقه عمل السمك بالمكرونه اكله تونسيه
» الخلطه المثاليه لاطاله الشعر
» تعرفي ايه هو الكيرياتين