اسهل معجنات

مقادير العجينة:

انا جبت الوصفة دى من طريقة عمل الكالزونى الايطالى والعجينة فعلا جميلة جدا وهشة وتصلح لكل الحشوات (جبنة – لحمة – او حتى حلو تفاح وسكر وقرفة (زى الابل باى والسينابون ) وتصلح لكل الاشكال كمان صغير وكبير وممكن كمان للبيتزا .. وااااو
المقادير:
2كوب دقيق
2 م ك سكر
1 م ك خميرة
نص م ص ملح
3 م ك زيت
لبن دافىء
الطريقة:

1. انا حطيت الخميرة والسكر عليهم شوية لبن دافىء مش سخن لمدة عشر دقايق لما تطلع سوية فقاعات.
2. حطيت المكونات الجافة على بعض فى الماشين وعليهم الزيت ولما اختلطو حطيت الخميرة وبعدين بقيت اللبن الدافى وخليت الماشين تعجن كويس حوالى عشر دقايق.
3. سيبتهم يخمرو كويس فى مكان دافى لما اضاعف الحجم (حسب الجو)
انا كنت حاطة فوطة سخنة على الغطا
4. بعد التخمير … تفرد العجينة وتوضع الحشوة وتقفل بالشوكة
والمهم بقى تدخل فرن ساخن جدا جدا عشان تكون هشة من جوا ودا سر المعجنات
ممكن ندهن الوجه بالبيض واللبن قبل دخول الفرن عشان الوش يحمر