طريقة عمل سبرينج رولز بحشو الفراولة والشيكولاتة

2




















وقت التحضير 10 دقيقة
وقت الطهي 15 دقيقة

تكفي لـ 6 شخص













المقادير :

• باكت سبرينج رولز (هتلاقيه في أي سوبر ماركت كبير)
  
• ¼ كيلو شيكولاتة خام مذوّبة على حمام مائي ساخن
  
• ½ كوب مكسرات مفرومة (أي نوع تحبّيه)
  
• ½ كيلو فراولة مقطّعة مكعبات صغيرة
  
• زيت للتحمير
  
• آيس كريم بالفانيليا أو الشيكولاتة
  
• صوص شيكولاتة
  

طريقة التحضير



1- اخلطي الفراولة مع الشيكولاتة والمكسرات.

2- حطّي كمية مناسبة من خليط الفراولة والشيكولاتة والمكسرات على شريحة من السبرينج رولز ولفّيها، واقفليها كويس جدا من كل الأطراف، وكرري نفس الخطوة لغاية ما شرائح السبرينج رولز اللي عندك تخلص كلها، أو على حسب الكمية اللي إنتي محتاجة لها.

3- اقلي لفائف السبرينج رولز
في زيت ساخن لغاية ما لونها يبقى دهبي، أو رصّيها في صينية وادهني وشها
بطبقة خفيفة من الزيت، ودخّليها الفرن، وسيبيها لغاية ما وشها يحمر.

4- وفي الآخر قدّميها ومعاها بولة آيس كريم بالفانيليا أو بالشيكولاتة، وزيّنيها بصوص الشيكولاتة.. وبالهنا والشفا.